हामी सबैकाे संसारन्यूज

विदुर अधिकारी, रामपुर, चितवन

बाबा भर्छन् जिन्दगीमा इमान
माया गर्छन् राखिँदै सत् स्वमान
खोज्छन् गर्नै नित्य हाम्रै भलाइ
मेरा बाबा दिव्य लाग्छन् मलाई
(१)

पढ्नू धेरै भन्दछन् सत् पलामा
बन्नू ज्ञानी भन्दछन् यो धरामा
दिन्छन् अर्ती आत्म सङ्लो बनाई
मेरा बाबा दिव्य लाग्छन् मलाई
(२)

पर्दा पीडा जुट्दछन् हर्नलाई
साँचो माया गर्दछन् नित्य छाई
गल्ती गर्दा डाँट्दछन् किन्तु आई
मेरा बाबा दिव्य लाग्छन् मलाई
(३)

सेता सेता देखिएका कपाल
हेर्दा लाग्छन् अग्लिएझैँ हिमाल
बोल्छन् चर्को किन्तु हुन्नन् पराई
मेरा बाबा दिव्य लाग्छन् मलाई
(४)

हे ! छोरा हो उच्च संस्कार जानौँ
बाबालाई खिन्नतामा नपारौँ
बाबा आमा भूमिका चार धाम
हुन् है पुज्नू राखिँदै नित्य मान
(५)

छन्द : शालिनी
गण : म त त गु गु
सङ्केत : SSS SSl SSl S S