Sansar News
अलख निरन्जन लोहार
टीकापुर कैलाली, हाल- भारत
राम्रो विचार मनको राम्रै कला रहेछ
जीवन सकिन्छ चाडैं भन्छन् पला रहेछ
मान्दैन जात भन्दै जोडी खुलेर आयो
मान्छे र मान्छे बिचमा माया बला रहेछ
मेरो म मात्र भन्दै के को घमण्ड गर्छौ
ईश्वरले चेतनामा बोल्ने गला रहेछ
छन् पेट भित्र जसका छन् दाँत भिन्नभिन्नै
नेता जो सर्वहारा घर नौतला रहेछ
कस्तो अपाङ्ग जस्तो यो देश लाग्न थाल्यो
खोजेँ र थाह लाग्यो सत्ता थला रहेछ ।
बहर : मुजारे मुसम्मन अखरब
अर्कान : २२१ २१२२ २२१ २१२२
वि.सं.२०८० फागुन १२ शनिवार ०७:४९ मा प्रकाशित
