Sansar News
शर्मिला तिमल्सिना, धादिङ
कुरा गर्न राम्रै छु जानेको मैले
बोलेँ मीठो बोली छु ठानेको मैले
मेरो पीर बुझ्ने तिमीले हो आमा
तिमीलाई धर्ती छु मानेको मैले
कसैलाई पाएँ हजारौँको भिडमा
तिनैलाई स्वामी छु छानेको मैले
दियो धोका उसले जवानीमा साथी
लिएँ हिम्मत खुद घर छु धानेको मैले
भएँ पागल तिम्रो वदन देख्दा प्यारी
देखेँ सपनामा हात तानेको मैले
बहर : अनुराग
वजन : १२२२ / २२ / १२२२ / २२
अर्कान ? मुफाईलुन् फैलुन् मुफाईलुन् फैलुन्
काफिया ? आ
तहलिली रदिफ : नेको
रदिफ : मैले
वि.सं.२०८१ असार ८ शनिवार ०९:२८ मा प्रकाशित
