Sansar News
वासुदेव ठकुरी, नुवाकोट
हुँ तस्करलाई वाण हानेको मैले
उडाएँ सातो देश खानेको मैले
अरू कोही छैनन् नजिक पर्ने मेरा
तिमीलाई हो मित्र ठानेको मैले
छु मैले काटेको कुरा तिम्रो कहिल्यै ?
तिमी जे जे भन्छौ छु मानेको मैले
तिमीले मेरो गुन जुनीभर देखेनौ
बुझ्यौ तिम्रो इज्जत हुँ धानेको मैले
सबैको राम्रो होस् म भन्ने मान्छे हुँ
कसैको खुट्टा छैन तानेको मैले ।
बहर – अनुराग
वजनः १२२२ / २२ / १२२२ / २२
काफिया : आ
तहलिली रदिफ : नेको
रदिफ : मैले
अर्कान : मुफाईलुन् फैलुन् मुफाईलुन् फैलुन्
वि.सं.२०८१ असार ८ शनिवार ०९:२५ मा प्रकाशित
