back

कविता : म काव्य रोप्दछु

वि.सं.२०८१ असार २२ शनिवार

525 

shares
RBB AD
NTC AD
Rastriya Swastha Sikshya Suchana Tatha Sanchar Kendra

कल्पना भट्टराई, टोखा, काठमाडौं

मडारिएर व्योममा घना घना छ बादल ।
किसान छन् खुसी खुसी झरेर निर्झरी जल ।
मिलेर खेतका गरा छ रोप्नु याम छोप्दछु ।
असार मास धानका सँगै म काव्य रोप्दछु ।१।

जलाम्य मेदिनी भईन् उमार्न अन्न तत्पर ।
नदी समान झार्दछन् किसान स्वेद तर्तर ।
बनी अदम्य साहसी किसान कर्म रोज्दछु ।
असार मास धानका सँगै म काव्य रोप्दछु ।२।

मिलाउँनै छ अन्नको जुगाड वर्ष वर्षको ।
किसान निम्ति बन्छ यो विशिष्ट पर्व हर्षको
असार गीत गाउँदै डुबी म अर्थ खोज्दछु ।
असार मास धानका सँगै म काव्य रोप्दछु ।३।

छरेर वीज अन्नको मुरी मुरी फलाउनु ।
यसै गरी गरी सधैँ छ जिन्दगी चलाउनु ।
कहाँ छ मूल्य मान्यता म भित्र भित्र सोच्दछु
असार मास धानका सँगै म काव्य रोप्दछु ।४।

फुटेर मूल कन्दरा पहाडका कुना गरा ।
परोपकार गर्नमा रमाउँछिन् वसुन्धरा ।
छ सारहीन भन्दछन् असार छक्क पर्दछु ।
असार मास धानका सँगै म काव्य रोप्दछु ।५।

स्व–रोजगारमा जुटौँ किसान भै सँधैभरि ।
असारमा नहोमिए कसार मिल्छ के गरी ?
धरा सुरम्य देखिईन् म विम्बमा समेट्दछु ।
असार मास धानका सँगै म काव्य रोप्दछु ।६।

छन्द : पञ्चचामर
गण : ज र ज र ज गु
सङ्केत : lSl  SlS  lSl  SlS  lSl  S

वि.सं.२०८१ असार २२ शनिवार ०७:४१ मा प्रकाशित

NLIC AD
NABIL bank AD
ADBL AD
लघुकथा : तरकारीको स्वाद

लघुकथा : तरकारीको स्वाद

मुरारीराज मिश्र, कुमारीगाल, काठमाडौं ’तिमीले पकाएको तरकारीको स्वाद किन यत्ति...

लघुकथाः अपकृत

लघुकथाः अपकृत

मनीषकुमार शर्मा ‘समित’ मध्यपुर ठिमी, भक्तपुर पितृलोकमा मातृपितृ आत्माहरू उत्साहमा...

कविता : जीवन बुझ्नै गाह्रो छ

कविता : जीवन बुझ्नै गाह्रो छ

विदुर अधिकारी, रामपुर, चितवन शान्ति धरामा, भाग्दै छ क्रोध असाध्यै,...

मु्क्तक

मु्क्तक

बाबुराम न्यौपाने 'उत्स'दमक, झापा १. लेखक साहित्यकार नत कार्यकर्ता नत...

सुसेली

सुसेली

उत्तम शर्मा 'दर्शन' पाँचखाल, काभ्रे १ युवा जोसमा गरौं काम...

कविता : साउनको रूप

कविता : साउनको रूप

समीप बैरागी, रोल्पा देख्छु - चेलीहरूको कोमल हातहरूमा-रङ्गहरूको उत्सव सोमबारे...