हामी सबैकाे संसारन्यूज

काठमाडौं । नेपलिज कम्युनिटी पार्दो पोर्चुगलले मृतकका परिवारलाई आर्थिक सहयोग गरेको छ ।

आफु र आफ्नो परिवारको उज्वल भविष्यको खोजीमा पोर्चुगलमा काम गरिरहेका धादिङ त्रिपुरा सुन्दरी गाउँपालिका ५ का दीपक सिटौलाको मृत्यु भएपछि उनका परिवारलाई कम्युनिटीले आर्थिक सहयोग गरेको हो ।

कम्युनिटीले सिटौलाका परिवारलाई ४३५ युरो आर्थिक सहयोग संकलन गरि पठाएको हो ।

केही महिना अघिदेखि पोर्तुगलमा वसोवास गर्दै आएका बर्ष ४० वर्षीय सिटौलाको गत जनवरी ६ तारिख बेलुका लिस्वोनस्थित शान्तामारिया अस्पतालमा उपचारको क्रममा निधन भएको हो ।

केही दिनअघि कार्यस्थलमा काम गरिरहेकै अवस्थामा अचानक अचेत भएका कारण अस्पताल लगेर उपचार थालिएको थियो । तर दुर्भाग्यवश उनको जनवरी ६ तारिखका दिन निधन भएको थियो ।

केही महिना अघिमात्र श्रीमती शर्मिला खड्कासंगै पोर्तुगल आएका उनीहरुको डेढ महिनाको सन्तान छन् । डेढ महिनाको सुत्केरी र शिशुको पोर्तुगलमा कागजी प्रकृयमा पनि पुरा भइनसकेको अवस्था तथा नेपालमा रहेका बृद्ध बुवाआमा र घरको आर्थिक अवस्थालाई समेत मध्यनजर गर्दै उनको शव व्यवस्थापनको लागि आर्थिक संकलन अभियान धादिङ समाज पर्तुगलले संचालन गरेको थियो र पर्तुगलको अभेरो जिल्लामा रहेको नेपलिज कम्युनिटी पार्दोले आर्थिक संकलन अभियानका निमित्त पत्राचार गरेको थियो ।

सोहि अनुसार कम्युनिटीका सदस्यहरूलाई आग्रह गरि संस्थाको संयोजनमा रकम संकलन गरि धादिङ समाज पर्तुगललाई हस्तान्तरण गरेको हामीलाई समाजका अध्यक्ष धन बहादुर गुरुङले जानकारी दिए ।

अध्यक्ष गुरुङका अनुसार रमेश दनाइ ३०, कुमार भण्डारी २०, रोशन घले २०, सुशील गाहा मगर २०, अनिता थापा पन्त ३१, प्रशान्त गुरुङ (मिलन) २०, शुष्मा सेन्चुरी दराल २१, सनम विश्वकर्मा ११, मदन विश्वकर्मा १६, सुकुमाया घलान १६, सूर्य बहादुर घले २१, शिव राज न्यौपाने १५, सुशिला पौडेल १०, खेम बहादुर आले १५, चक्रबिर गुरुङ, २०,भीमसेन थापा १६, बिकाश गुरुङ २१, धन बहादुर गुरुङ २५, हरि ढुंगाना ११, लक्कि गुरुङ १५, निसान बिमली १५, लाल सिंग घले १५,प्रभु जंग थापा १६ र दिल बहादुर घलेले १५ युरो आर्थिक सहयोग गरेका थिए ।