हामी सबैकाे संसारन्यूज

साजन पौडेल (सञ्जय)
देवघाट –५, तनहुँ

१.
बात मीठो थियो
आनयास तिम्रो घातले
नमिठो चोट दियो ।

२.
तप्किन्छन् आँखाबाट शीतहरू
सताइरह्यो तिम्रो यादले
बन्द गर गीतहरू ।

३.
यस्तै रहेछन् रितहरू
झेल भयो जिन्दगीमा
भो! नलगाउने प्रीतहरू ।

४.
तिम्रा कुरा सदर
माफ गर प्रिया
म भएछु बदर ।

५.
देशभक्त देशमै शरणार्थी
बेरोजगारीले घाँटी थिच्यो
खाडी छाँटियो विद्यार्थी ।

६.
खेल्दैछन् रगतको होली
आफ्नै आमाको काखमा
भविष्य रहला भोलि ?

७.
चलिरहे यस्तो खेल
करोडौँ नेपालीको आँखामा
उर्लिन्छ आँसुको भेल ।

८.
म नदी बनूँ
जालझेल, झुट असमझदारी
एकमुष्ठ बगाउन सकूँ ।

९.
हिमालझैँ अग्लिन पाऊँ
त्यस्तो कुनै नहोस्
मैले नटेकेको ठाउँ ।

१०.
थाकेर चौतारीमा सुस्ताउँ
गरेर सबको भलो
म निस्फिक्री मुस्कुराउँ।