Sansar News
उत्तम विचार, काठमाडौं
काग करायो
पिना सुक्यो घामले
आशा हरायो ।।१।
मूख्य यन्त्र होस्
मुलुकमा बलियो
लोकतन्त्र होस् ।।२।
बुझ्नुस् के रैछन्
गणतन्त्र भनियो
राजा धेरै छन् ।।३।
पात्र फेरियो
फेरिएन प्रवृत्ति
थुप्रै हेरियो ।।४।
खेल्छन् बहेली
हाम्रै वनपाखामा
मिठा सुसेली ।।५।
झुठा नाराले
तिन्कै कुरा पत्याए
सर्वहाराले ।।६।
हुन्न विकास
समस्याको नखोजी
राम्रो निकास ।।७।
जालझेलमा
देश रित्तो बनाए
सत्ता खेलमा ।।८।
भ्रष्टाचारीले
देश खाए रित्त्याए
आफैँ गन्हाए ।।९।
खै त चेतना
देश गयो भाँडमा
छैन सम्झना ।।१०।
वि.सं.२०८२ वैशाख २७ शनिवार ०८:०९ मा प्रकाशित
