हामी सबैकाे संसारन्यूज

सतीश पण्डित
भानु– ६ चुँदी, तनहुँ
हाल चनपा ६ मातातीर्थ

१.
लुक्दछन् शान्तिका गीत
सुनौलो मन्द मुस्कानमा
मिल्दछ जीवनमा प्रीत ।

२.
फुल्दछ करुणाको फूल
शान्ति सद्भावको बगैँचामा
सुक्दैन प्रेमको मूल ।

३.
शान्तिको शीतल छाया
यात्रा दया धैर्यको
मिल्दछ सधैँ माया ।

४.
उदाउँछ सहिष्णुताको घाम
माया मित्रताको साँझमा
शान्ति जीवनको धाम ।

५.
छरिन्छ शान्तिको सुवास
फुलेर मनको वगानमा
देखिन्छ उज्यालो प्रकाश ।

६.
पिरतीको डुङ्गा छिचोल्दै
आउँदै छु भेट्नलाई
रातको निद्रा बिथोल्दै ।

७.
तिम्रो नयनमा हराउँछु
छौ मुटुको धड्कनमा
तिम्रै मायामा रमाउँछु ।

८.
समाउन पाए हात
कति आनन्द हुन्थ्यो
गर्दा सुखदुःखका बात ।

९.
कसैको नदुखाऊ मन
सक्छौ कि सक्दैनौ
गर्नलाई उपकार भन ।

१०.
घोचिरहन्छ मनको घाउ
तिखा वचन वाणले
बोल्दा होस् पुर्याऊ ।