Sansar News
वासुदेव ठकुरी
तारकेश्वर न.पा.–९, मनमैजु
१
बिस्र्यो नभन
तिमीलाई संझेर
रुन्छ यो मन।
२
भयौ बिरानी
जोडिएन परेली
भिज्यो सिरानी।
३
कालले साँचे
हुन्छ भेट अवश्य
नमरी बाँचे।
४
वर पिपल
चौतारीमा बसेर
खाऊँ शितल।
५
माया गाजले
फर्की फर्की नहेर
मर्छु लाजले।
६
भएँ कस्तो म
पानी बिना बाँचेको
माछी जस्तो म।
७
बाटो मोडेर
गयौ आज छोडेर
नाता तोडेर ।
८
दुरी टाढा भो
गयौ जब छोडेर
माया गाढा भो।
९
बेसी झरेर
तिम्रो घर आउँछु
खोली तरेर।
१०
आत्मविश्वास
बढाएको छु मैले
मार्दिनँ आस।
वि.सं.२०८२ जेठ ३ शनिवार ०८:१९ मा प्रकाशित
