Sansar News
कुमार थापा, निजगढ, बारा
तिम्रै हुँ भन्छ्यौ प्रेयसी आधार खै
हामी नजिक बन्ने दुबैमा प्यार खै
संसार हो मायाँ बिना चल्दैन यो
भन्नेहरूकै प्यारको व्यबहार खै
पशुझैँ भए मान्छेहरू भन्छन् यहाँ
देखाऊ आफैँमा असल संस्कार खै
मान्छे सबै मौका छँदा हो सुध्रिने
वानी सुधार्ने हुन्छ कुन औजार खै
संसार यो चर्चा गरेजस्तो भए
मैँभित्र दिलमा प्रेमको भण्डार खै ।
बहर ः रजज मुसद्दस सालिम
अर्कान ः मुस्तफइलुन मुस्तफइलुन मुस्तफइलुन
वजन – २२१२ – २२१२ – २२१२
काफिया – आर
रदिफ – खै
अभ्यास – स्वर्ण पाठशाला
वि.सं.२०८२ जेठ ३ शनिवार ०८:१६ मा प्रकाशित
