हामी सबैकाे संसारन्यूज

१)
बगैंचामा सुगन्ध छर्ने बस्तु फूल हुन सक्छ
बोलेका शब्दहरू कसैलाई शूल हुन सक्छ
अरुको मात्र कमजोरी खोज्ने प्रयास नगर,
मान्छे हो जान अन्जानमा भूल हुन सक्छ ।

२)
हजारौं जँघार एक्लै एक्लै तर्न पाए हुन्थ्यो
ढुङ्गे धारामा सधैंभरि पानी भर्न पाए हुन्थ्यो
जिन्दगीमा सम्पत्ति कमाएर कहिल्यै पुग्दैन ,
मर्नु अघि देशको लागि केही गर्न पाए हुन्थ्यो ।

३)
झम्के साँझमा अँध्यारोको साम्राज्य चल्दै थियो
वारि पारीको गाउँमा धिपधिप बत्ती बल्दै थियो
मै हुँ भन्ने धनीमानीको पनि छिट्टै दिन सकिएछ,
आज उसैको लास नदी किनारामा जल्दै थियो ।

४)
तिम्रो लागि आकाशको तारा झार्न सक्दिन म
माया गर वा घृणा दिल अन्त सार्न सक्दिन म
झुठो आश्वासनको पुलिन्दा बाँड्ने चलन छैन,
जूनेली रातमा खाएको कसम हार्न सक्दिन म ।

५)
माछा भनेको माछा हो सानो ठूलो भन्नु हुँदैन
बिना अपराध कसैको पनि खोइरो खन्नु हुँदैन
सही के हो गलत के हो छुट्याउन सक्नु पर्छ,
व्यवस्था फेरियो अब कसैको दास बन्नु हुँदैन ।