हामी सबैकाे संसारन्यूज

१८ मे । अमेरिकाको बाल्टिमोरमा एकै हप्तामा दुई नेपालीको मृत्यु भएको छ । अघिल्लो हप्ता बुधबार बाल्टिमोर नजिककै क्रफ्टन भन्ने ठाउँमा बस्दै आएका बैकुण्ठ लामिछानेको जन्डिस रोगका कारण निधन भएको थियो भने बाल्टिमोर नजिक ग्लेन बर्नी भन्ने ठाउँमा बस्दै आएका नेपाली युवा आशिष केसीको  हिजो(आइतबार) निधन भएको छ ।

बाल्टिमोरमा एक नेपालीको निधन

नेपाली मूलको पहिलो निर्वाचित जनप्रतिनिधिका रुपमा मेरिल्याण्ड राज्यका सांसद डेलिगेट ह्यारी भण्डारीले सामाजिक सञ्जाल फेसबुकमार्फत सो कुराको जानकारी दिएका छन् । वाल्टिमोर वाशिङ्गटन मेडिकल सेन्टरले २५  वर्षीय आशिष केसीको निधन भएको जानकारी दिएको उनले सञ्जालमा उल्लेख गरेका छन् ।

बाग्लुङ जिल्ला पुख्र्यौली थलो भएका केसी गत शुक्रवार ग्लेन बर्नी नजिकैको एक तालमा डुबेका थिए । उपचारका क्रममा आइतबार निधन भएको बताइएको छ । कार्की विगत ३ वर्षदेखि मेरिल्याण्डमा बस्दै आएका थिए ।

आफ्नै भतिज र साथीहरुसंग तालमा पुगेका केसी पौडी खेल्दै जाँदा पानीको मूख्य भागमा पुगेपछि डुबेका थिए । उनीसंगै गएका भतिज र साथीभाइले उनको उद्धार गर्न नसकेपछि आकस्मिक सेवामा सम्पर्क गरी उनलाई हेलिकोप्टरबाट उद्धार गरी वाल्टिमोर वाशिङ्गटन मेडिकल सेन्टर पु¥याईएको थियो । उनको उपचारको क्रममा निधन भएको बताइएको छ ।

आशिषलाई अस्पताल पु¥याउने समयसम्म मुटुको धडकन (हर्ट विट) अवरुद्ध भएको, मृगौला फेल भएको र व्रेनमा समेत गम्भिर असर परिसकेको थियो । डाक्टरहरले तीनपक सम्म बन्द भएको मुटुको धड्कनलाई फर्काउन सफल भएपछि थप उपचारका लागि भेन्टिलेटरमा राखि उपचार गराइएको आफूलाई अस्पतालले जानकारी दिएको भन्दै डेलिगेट भण्डारीले लेखेका छन् ।

उनको मृत्यु बारे नेपालमा रहेका बुवाआमा र परिवारलाईसमेत जानकारी गराइसकेको बताउँदै डेलिगेट भण्डारीले अन्तिम संस्कारका लागि आवश्यक प्रक्रिया पुरा गरी परिवारको समन्वय र स्थानीय संघसंस्थाहरुको प्रतिनिधिसँग सहकार्य गरेर व्यवस्थापन गरिने जानकारी दिएका छन् ।

आश्चर्य नै भन्नुपर्दछ, दुवैको एउटै अस्पतालमा उपचारका क्रममा निधन भएको छ ।