हामी सबैकाे संसारन्यूज

झुपडीको बाँस भित्र प्रिय अपार माया तिम्रो पाएकी छु
सिस्नु र ढिडो पनि तिमिसगै बसि रमाउदै खाएकी छु
मायाको यो विशाल दरवार भित्र भित्रै नै रमाउदै
हर जुनि तिम्रै हुन पाउ भन्ने कसम खादै आएकी छु

तिमी मेरो कृष्ण हौ म त तिम्रो राधा
तिम्रो मेरो उमेर पनि कटिसको आधा
अर्को जुनि भेट हाम्रो होला कि न होला
यो जुनिमा मृत्यु तिमि नबनिदेउ बाधा

शान्ति सुरक्षा फितलो छ देशमा आज भोलि
राजधानी भित्रै नै बन्न थाले अब वम र गोलि
पदकै लागिमात्र सधै कति दौडन्छौ ए नेताहरू
सिदुर पुछी टुहुरा बनाई रगतको नबगाउ खोली

घमण्डको रुख कहिल्यै पनि नचढ सानू
आफ्नो भाग्यमा जे नै छ तेहि पर्छ खानु
जे जस्तो तिमिसँग छ त्यसैमा रमाउने गर
मरेर जादा हेर हामीले के छ र लानु

उपत्यका बसेको छ काकाकुल बनी
एडिबिका पैसाले भए नेताहरु धनी
नाफा धेरै भयो रे ठेक्दार भग्दा भन्छन्
ठेक्का पट्टा मन्त्रालय धाउन थाल्यो अनि