हामी सबैकाे संसारन्यूज

लक्ष्मी स्मृति, बिराटनगर

१
यता उता घरिघरि नजर तन्काउँदै आउनू
मठ,मन्दिर, देवी, देउराली मन्साउदै आउनू
अझैसम्म पनि मेरो बस्ती अनकन्टार नै छ,
बाटोभरी काँडा होलान् पन्छाउँदै आउनू ।

२
आँखा छल्दै, सकुञ्जेल ढाट्दै भ्याई नभ्याई छ
चोक,गल्लीतिर सपना साट्दै भ्याई नभ्याई छ
साह्रै बेरोजगार भएँ भन्छौ कसरी पत्याउनु खै ?
तिमीलाई अरू कै कुरा काट्दै भ्याई नभ्याई छ ।

३
जे देखाए पनि सपना सजाएरै बिग्रेको हामी
आफू सप्रन इतिहास भजाएरै बिग्रेको हामी
एउटा आउँछ उफार्छ, अर्को आउँछ लडाउँछ
बकम्फुसे कुरामा ताली बजाएरै बिग्रेको हामी ।

४
जिउ ज्यानले बलियो पुरा चाहिदैन हजुर
धाराप्रवाहले बोलेका कुरा चाहिदैन हजुर
सानै बचन काफी हुन्छ जन्मभरका निम्ति
यो मन मार्न भाला, छुरा चाहिदैन हजुर ।

५
एक एक गरि रहर छर्छु भेट्दै भेटदिन्
ईश्वर भाक्दै पाउमा पर्छु भेट्दै भेटदिन्
पिरतीको हिसावमा चुक्यौ भन्छौ तिमी ,
जोड, घटाउ, गुणा गर्छु भेट्दै भेटदिन् ।