Sansar News
कपिल किशोर घिमिरे, दाङ
तिमीलाई आफ्नो हुँ मानेको मैले
दियौ धोका व्यर्थै हुँ छानेको मैले
कुराले साँच्चै जान्दछ्यौ प्यारी धेरै
तिमी ठान्दी हौ, छैनँ जानेको मैले
मिच्यो गुन्डा बन्दै छिमेकीले आँठो
त्यसैले लात्तीले हुँ हानेको मैले
उनी बस्छिन् टाढा पराईको घरमा
यता अर्की सानी छु तानेको मैले
म नेता हुँ यो देशको थाहै होला
गुलामीले सत्ता छु धानेको मैले
बहर : अनुराग
वजनः १२२२ /२२ / १२२२ / २२
अर्कान : मुफाईलुन् फैलुन् मुफाईलुन् फैलुन्
काफिया : आ
तहलिली रदिफ : नेको
रदिफ : मैले
वि.सं.२०८१ असार ८ शनिवार ०९:१४ मा प्रकाशित
