हामी सबैकाे संसारन्यूज

३ चैत, स्पेन । विश्वभरी महामारीको रुपमा फैलिएको कोरोना भाइरस नियन्त्रण तथा यसबाट आफ्ना जनतालाई बचाउन स्पेन सरकारले शनिबार मध्यरातिदेखि १५ दिने आपतकालिन घोषणा गरेको छ ।

स्पेन सरकारले गरेको आपतकालिन अवस्थाको घोषणा सबैलाई आ–आफ्नो घरमै क्वारेन्टाइनमा बस्नका लागि अनुरोध गरिएको र स्पेन सरकारको यस्तो निर्णयलाई सहयोग पुर्याउन नेपाली दूतावासले स्पेनवासी नेपालीलाई अनुरोध गरेको छ ।

दूतावासले आइतबार एक सूचना जारी गर्दै रोग संक्रमण नभएपनि हुन सक्ने आशंकामा आफूले आफैलाई अलग राख्ने वा संक्रमित व्यक्तिहरुको सम्पर्कमा आएका व्यक्तिहरुले अवलम्बन गर्ने विधि नै क्वारेन्टाइन रहेको बताइएको छ ।

‘यस अवस्थामा गर्न हुने र नहुने कार्यहरु सम्बन्धमा जानकारी लिई महामारीको रुपमा फैलिएको कोभिड–१९ लाई नियन्त्रणमा लिन स्पेन सरकारले चालेको कदमलाई आ–आफ्नो स्थानबाट सहयोग पुर्याईदिनहुन स्पेनमा बसोबास गर्ने सम्पूर्ण नेपाली दिदीबहिनी तथा दाजुभाइहरुमा अनुरोध गर्दछौ ।’ दूतावासद्धारा जारी सूचनामा भनिएको छ ।

स्पेनमा कोरोनाको कहरः १५ दिने संकटकाल घोषणा, हेर्नुहोस् के गर्न पाइन्छ र के गर्न पाइन्न ?